സ്വപ്നത്തിൽ അമ്മയുടെ പൊക്കിൾക്കൊടിത്തുമ്പു പിടിച്ച് അവൾ നീന്തുകയായിരുന്നു .പിങ്ക് നിറ വിരലുകൾ ചുരുട്ടിപ്പിടിച്ച കൈപ്പത്തിയോളം മാത്രം വലിപ്പമുള്ള അവളുടെ ഹൃദയം സമാധാനതാളത്തിൽ മിടിച്ചുകൊണ്ടേയിരുന്നു . ഉത്സവരാത്രികൾ പോലെ വർണ്ണശബളിമയുടെ അകമ്പടിയില്ലാതെ ഇരുട്ടിലവിടവിടെ ഒച്ചകൾ മുഴങ്ങിക്കേട്ടു.ഒടുവിലൊരൊറ്റയൊച്ചയിൽ വീണ അമ്മയ്ക്കൊപ്പം ഗര്ഭപാത്രത്തിലെയിരുട്ടിൽ അവൾക്കു വെളിച്ചം നഷ്ടമായി ...എന്നേയ്ക്കുമായി .
വെളുത്ത കാൻവാസിൽ അവളുടെ നീണ്ടവിരലുകൾ തീർത്ത നൂറുനിറങ്ങളാണ് എന്നെയാ സ്വപ്നത്തിൽ നിന്നുണർത്തിയത് .
അപ്പോഴേയ്ക്കും കടത്തിരകളിൽ നനഞ്ഞു മരവിച്ച കാലുകളിൽ മണൽത്തരികൾ കിരുകിരുത്തു .
അപ്പോഴേയ്ക്കും കടത്തിരകളിൽ നനഞ്ഞു മരവിച്ച കാലുകളിൽ മണൽത്തരികൾ കിരുകിരുത്തു .
കൈത്തണ്ടയിൽ നനുത്ത നീലരോമങ്ങളുള്ള, ഒരമ്മയും ചോന്ന പാദങ്ങളുള്ള ചെമ്പന്മുടിക്കാരിപ്പെൺകുഞ്ഞും
ബലിഷ്ഠമായ കൈകളിൽ അവളെയിടയ്ക്കു കോരിയെടുക്കുന്ന ചാരനിരക്കണ്ണുകളുള്ള ഒരച്ഛനും
ഇളംപച്ച നിറമുള്ള കടൽത്തീരത്ത് ശംഖുകൾ തേടി നടന്നു .
ബലിഷ്ഠമായ കൈകളിൽ അവളെയിടയ്ക്കു കോരിയെടുക്കുന്ന ചാരനിരക്കണ്ണുകളുള്ള ഒരച്ഛനും
ഇളംപച്ച നിറമുള്ള കടൽത്തീരത്ത് ശംഖുകൾ തേടി നടന്നു .
ചില സ്വപ്നങ്ങൾ കാഴ്ചകളുടെ ബാക്കിപത്രമാണ് .
ദോഹയിലെ എന്റെ ഈജിപ്ത്യൻ കൂട്ടുകാരി ഇമാൻ മഞ്ഞനിറമുള്ള വലിയ കാപ്സിക്കം ആസ്വദിച്ചു കഴിച്ചു ഡ്രൈവ് ചെയ്യുന്നതിനിടെ പങ്കുവച്ച ചില "മുല്ലപ്പൂ "ക്കഥകളുണ്ട് .അത് കേട്ടു കഴിഞ്ഞപ്പോഴേക്കും എന്റെ അടിവയറിനുള്ളിൽ നിന്നൊരു തണുപ്പ് സിരകളിലേയ്ക്കു പാഞ്ഞു താടിയ്ക്കു കീഴെ വന്നു കിടുകിടുത്തു .
വയറിനുള്ളിൽ ഏഴുമാസക്കാരൻ കുഞ്ഞൻ അസ്വസ്ഥതയുണ്ടാക്കി കൈമുട്ടുകളുന്തി .
എന്റെ ഭാവമാറ്റത്തിൽ ചകിതയായ അവൾ
"യാ അള്ളാ ,ഞാനിതെന്താണ് പറഞ്ഞത്" എന്ന് തലയ്ക്കടിച്ചു . രാത്രിയിൽ കോർണിഷിലേയ്ക്ക് തുറക്കുന്ന ബാൽക്കണിയിൽ കാലിൽ തുളയുന്ന സൂചിമുനത്തണുപ്പിനെ അവഗണിച്ചു ഞാനുറക്കം വരാതെയിരുന്നു .മനസ്സിലപ്പോഴും ജനാലയിലൂടെ പുറത്തേക്ക് വീണ പന്തെടുക്കാൻ ഓടിയ നാലുവയസ്സുകാൻ അഹമ്മദും അവനെ തടയാനായി ജനാലയിലൂടെ നോക്കി വെടിയേറ്റ് വീണ അവന്റെ അമ്മയും അവരുടെ വയറിനുള്ളിൽ എന്നേക്കുമായുറങ്ങിയ കുഞ്ഞു ജീവനുമായിരുന്നു .
വയറിനുള്ളിൽ ഏഴുമാസക്കാരൻ കുഞ്ഞൻ അസ്വസ്ഥതയുണ്ടാക്കി കൈമുട്ടുകളുന്തി .
എന്റെ ഭാവമാറ്റത്തിൽ ചകിതയായ അവൾ
"യാ അള്ളാ ,ഞാനിതെന്താണ് പറഞ്ഞത്" എന്ന് തലയ്ക്കടിച്ചു . രാത്രിയിൽ കോർണിഷിലേയ്ക്ക് തുറക്കുന്ന ബാൽക്കണിയിൽ കാലിൽ തുളയുന്ന സൂചിമുനത്തണുപ്പിനെ അവഗണിച്ചു ഞാനുറക്കം വരാതെയിരുന്നു .മനസ്സിലപ്പോഴും ജനാലയിലൂടെ പുറത്തേക്ക് വീണ പന്തെടുക്കാൻ ഓടിയ നാലുവയസ്സുകാൻ അഹമ്മദും അവനെ തടയാനായി ജനാലയിലൂടെ നോക്കി വെടിയേറ്റ് വീണ അവന്റെ അമ്മയും അവരുടെ വയറിനുള്ളിൽ എന്നേക്കുമായുറങ്ങിയ കുഞ്ഞു ജീവനുമായിരുന്നു .
ഷാബുച്ചേട്ടന്റെ "മശ്ഹദ് "നാട്ടിൽ പ്രദർശിപ്പിക്കുന്നുവെന്ന് അറിഞ്ഞ നിമിഷം മുതൽ ആലോചിക്കുന്നതാണ് ഞാനുമുണ്ടെന്ന് ഷാബുച്ചേട്ടനെ വിളിച്ചു പറയണം എന്ന് . എത്ര ആഗ്രഹിച്ചാലും സാധിക്കാതെ പോകുന്ന ചിലതിനെക്കുറിച്ചുള്ള ഓർമ്മ എന്നെ അതിൽ നിന്ന് തടഞ്ഞു .തീർച്ചയായും എത്തുമെന്ന് വാക്കു പറഞ്ഞ പലതും അവസാനനിമിഷം മാറ്റിവയ്ക്കേണ്ടി വന്ന അവസ്ഥകളോർത്തു .പോകുമ്പോൾ അവിടെ വച്ച് കാണാമല്ലോ എന്നു സമാധാനിച്ചു .പോകാനുള്ള തീരുമാനത്തിൽ ആണിയടിച്ചുറപ്പിച്ചത് പ്രീതയുടെ വിളിയാണ് .അങ്ങനെ കുഞ്ഞനെയും കൂട്ടി ആറ്റിങ്ങലെത്തി .സ്ഥിരമായി സിനിമകൾ കാണുന്ന ആളേയല്ലാത്തതിനാൽ സാങ്കേതികതയൊന്നും വശമില്ല .പണ്ടേ സിനിമകാണൽ ഹൃദയം കൊണ്ടാണ്
പല സാങ്കേതിക വശങ്ങളും മറ്റുള്ളവർ പറയുന്നത് കേട്ട് അന്തംവിട്ടിരിക്കുകയാണ് പതിവ് .
പല സാങ്കേതിക വശങ്ങളും മറ്റുള്ളവർ പറയുന്നത് കേട്ട് അന്തംവിട്ടിരിക്കുകയാണ് പതിവ് .
എന്തായാലും മശ്ഹദിന്റെ തുടക്കത്തിൽ കണ്ണിലലയടിച്ച കടൽത്തിരകൾ ഒടുക്കം കണ്ണീരായൊഴുകി .മശ്ഹദ് ഒരോർമ്മപ്പെടുത്തലായിരുന്നു .സിറിയയുടെ അവസ്ഥ ,ഇമാൻറെ വാക്കുകളിലെ അതിഭീകരമായ നിസ്സംഗത ഒക്കെയോർത്ത് ഉറങ്ങാതെ കിടന്ന എന്റെ ഗർഭകാല രാത്രികളുടെ സങ്കടകരമായ ഓർമ്മപ്പെടുത്തൽ !
പ്രിവിലേജുകളുടെ ലോകത്തു ജീവിക്കുന്നവർ തിരിച്ചറിയേണ്ട ജീവിതാവസ്ഥകൾ .
സിനിമയുടെ തിരശീല വീഴുമ്പോൾ കുഞ്ഞൻ വിടർന്ന കണ്ണുകളോടെ ചോദിച്ചു ,
"ആ ചേച്ചി എങ്ങന്യാമ്മാ ആ ചേച്ചീടമ്മേ വരച്ചേ ?"
മറുപടിയായി അവന്റെ കഥയമ്മ പാടി
"കണ്ണിനുള്ളിൽ കത്തിജ്വലിക്കും
ഉൾക്കണ്ണു വേണം അണയാത്ത കണ്ണ് "
"ആ ചേച്ചി എങ്ങന്യാമ്മാ ആ ചേച്ചീടമ്മേ വരച്ചേ ?"
മറുപടിയായി അവന്റെ കഥയമ്മ പാടി
"കണ്ണിനുള്ളിൽ കത്തിജ്വലിക്കും
ഉൾക്കണ്ണു വേണം അണയാത്ത കണ്ണ് "
കൈവിരൽത്തുമ്പുകളിൽ തൊട്ടറിഞ്ഞു തീർത്ത ഒരമ്മച്ചിത്രം അനാവരണം ചെയ്യപ്പെടുമ്പോൾ
മനസ്സ് വീണ്ടും മശ്ഹദിലെ അമ്മയുടെ വാക്കുകൾ ഓർത്തെടുത്തു
കാഴ്ചയില്ലായ്മ്മയ്ക്കുള്ളിലൊളിപ്പിച്ച ഉൾക്കാഴ്ചയുടെ നക്ഷത്രത്തിളക്കങ്ങളിൽ ഹൃദയം നിറഞ്ഞു .
മനസ്സ് വീണ്ടും മശ്ഹദിലെ അമ്മയുടെ വാക്കുകൾ ഓർത്തെടുത്തു
കാഴ്ചയില്ലായ്മ്മയ്ക്കുള്ളിലൊളിപ്പിച്ച ഉൾക്കാഴ്ചയുടെ നക്ഷത്രത്തിളക്കങ്ങളിൽ ഹൃദയം നിറഞ്ഞു .
സ്നേഹം ഷാബുച്ചേട്ടാ. Shabu Kilithattil
മനോഹരമായ ഒരു കാഴ്ചയുടെ അനുഭവം ,അതിനൊടുവിൽ കിട്ടിയൊരു ഉള്ളുനോവ് ,ഇങ്ങനെയും ചിലരെന്ന ഓർമ്മപ്പെടുത്തൽ ,അനുഭവിച്ചു പോരുന്ന സൗകര്യങ്ങളുടെ വില , ഒക്കെ ഹൃദയത്തിൽ സൂക്ഷിക്കുന്നു .
സ്നേഹത്തിന്റെ വയലറ്റുമ്മകൾ 💜💜😘
മനോഹരമായ ഒരു കാഴ്ചയുടെ അനുഭവം ,അതിനൊടുവിൽ കിട്ടിയൊരു ഉള്ളുനോവ് ,ഇങ്ങനെയും ചിലരെന്ന ഓർമ്മപ്പെടുത്തൽ ,അനുഭവിച്ചു പോരുന്ന സൗകര്യങ്ങളുടെ വില , ഒക്കെ ഹൃദയത്തിൽ സൂക്ഷിക്കുന്നു .
സ്നേഹത്തിന്റെ വയലറ്റുമ്മകൾ 💜💜😘
ആ പെൺകുട്ടിയ്ക്ക് ഹൃദയം നിറഞ്ഞ ആശംസകൾ ,അവളുടെ വിടർന്ന ചിരി വാടാതെയിരിക്കട്ടെ 😍
No comments:
Post a Comment