ചിന്തകളങ്ങനെയാണ്
ചിലനേരങ്ങളിൽ തീരെ കനം കുറഞ്ഞ പഞ്ഞിത്തുണ്ടു മേഘങ്ങളായി പറന്നു പറന്നകന്നു പോകും .
ചിലപ്പോൾ എന്റെ മിഴിയാകാശത്തിൽ ഉരുണ്ടുരുണ്ടുതിർന്നു പെയ്യും
ഇനിയൊരിക്കൽ മന്തു കാലുകളുമായി നടന്നു വന്നു ഓർമ്മപ്പറമ്പിൽ തീകാഞ്ഞിരിക്കും
വേറൊരിക്കൽ നെഞ്ചിൻകൂട്ടിലുരുട്ടിക്കയറ്റിയ കല്ലുഭാരമായുറഞ്ഞിരിക്കും .
ഒടുവിൽ പൊളിച്ചു കൂട്ടിയ ഊതനിറത്തുണ്ടുകൾ പോലെ
ഒന്നുമാവാതെ എങ്ങുമെത്താതെ ചിതറിത്തെറിക്കും .
ഒന്നുമാവാതെ എങ്ങുമെത്താതെ ചിതറിത്തെറിക്കും .
ചിന്തകളുടെ ഭ്രാന്തുകളും ഭ്രാന്തിന്റെ ചിന്തകളും തമ്മിലുള്ള ദൂരം എന്റെയിമയനക്കം മാത്രമാകുന്നു .
നിന്റെ കൈത്തണ്ടയിൽ കൊഴിഞ്ഞു വീണ കൺപീലികൾക്കു പറയാൻ
കഥകളൊരുപാടുണ്ട് ..ഒരുപാട് .
കഥകളൊരുപാടുണ്ട് ..ഒരുപാട് .
ചുണ്ടു ചേർത്ത് ഊതിയകറ്റും മുൻപ് കാതോർക്കുക .
നിനക്കു കേൾക്കാം .
നിനക്കു കേൾക്കാം .
No comments:
Post a Comment