കാതോർത്താൽ മാത്രം കേൾക്കാവുന്ന ചില ശബ്ദങ്ങളുണ്ട് .......
അതിരാവിലെ ..പാലുകാരനും മീൻകാരനും നീട്ടിയടിക്കുന്ന ഹോണുകൾക്കിടയിൽ ..
ദൂരെയെവിടെയോ കൂവുന്ന കുയിൽപ്പെണ്ണിന്റെ തൊണ്ടയടപ്പ് ....
കൂവാൻ മറന്ന പൂവൻകോഴിയുടെ ദീർഘനിശ്വാസം പറപറത്തിയ കരിയിലയുടെ ചിണുങ്ങൽ ....
ഉച്ചയ്ക്ക് നേരമല്ലാ നേരത്തൊരു മൂങ്ങചേട്ടത്തി കൈതക്കാട്ടിലെ ഉപ്പൻ കുഞ്ഞിനോടു പറഞ്ഞ പായാരം.....
നേരമേറെ വൈകിയിട്ടും കൂട് പറ്റാൻ മറന്നൊരു കാക്കയുടെ ചിറകടിയൊച്ച ....
പാതിരാ കഴിഞ്ഞ നേരത്ത് ...
സീലിംഗ് ഫാനിന്റെ "കര കര"യ്ക്കും ...ചീവീടുകളുടെ ചിലമ്പിച്ച ഒച്ചയ്ക്കും ഇടയിൽ ...
മേശപ്പുറത്തെ കുഞ്ഞു ക്ലോക്കിന്റെ നെഞ്ചിടിപ്പ് ......
കാതോർത്താൽ കേൾക്കാം ....
കണ്ണീരില പൊഴിച്ച് മുറ്റത്തെ ഇലവു മരം ചില്ല തലോടിയ കാറ്റിനോടു പറഞ്ഞ സങ്കടം ......
ഇതളുകളിൽ പുഴുക്കുത്തേറ്റു പുളഞ്ഞൊരു റോസാപ്പൂവ് തൊട്ടടുത്തെ മുല്ലത്തൈയ്യോടു പങ്കിട്ട നോവ് ...
ആകാശത്തേക്കു സാകൂതം നോക്കിയ തവളക്കുഞ്ഞന്റെ ആത്മഗതം....
പക്ഷെ എത്ര കാതോർത്തിട്ടും കേൾക്കാൻ പറ്റാതെ പോയ ഒന്നുണ്ട് ......
എന്റെ..... ഹൃദയതാളം ....
അതിരാവിലെ ..പാലുകാരനും മീൻകാരനും നീട്ടിയടിക്കുന്ന ഹോണുകൾക്കിടയിൽ ..
ദൂരെയെവിടെയോ കൂവുന്ന കുയിൽപ്പെണ്ണിന്റെ തൊണ്ടയടപ്പ് ....
കൂവാൻ മറന്ന പൂവൻകോഴിയുടെ ദീർഘനിശ്വാസം പറപറത്തിയ കരിയിലയുടെ ചിണുങ്ങൽ ....
ഉച്ചയ്ക്ക് നേരമല്ലാ നേരത്തൊരു മൂങ്ങചേട്ടത്തി കൈതക്കാട്ടിലെ ഉപ്പൻ കുഞ്ഞിനോടു പറഞ്ഞ പായാരം.....
നേരമേറെ വൈകിയിട്ടും കൂട് പറ്റാൻ മറന്നൊരു കാക്കയുടെ ചിറകടിയൊച്ച ....
പാതിരാ കഴിഞ്ഞ നേരത്ത് ...
സീലിംഗ് ഫാനിന്റെ "കര കര"യ്ക്കും ...ചീവീടുകളുടെ ചിലമ്പിച്ച ഒച്ചയ്ക്കും ഇടയിൽ ...
മേശപ്പുറത്തെ കുഞ്ഞു ക്ലോക്കിന്റെ നെഞ്ചിടിപ്പ് ......
കാതോർത്താൽ കേൾക്കാം ....
കണ്ണീരില പൊഴിച്ച് മുറ്റത്തെ ഇലവു മരം ചില്ല തലോടിയ കാറ്റിനോടു പറഞ്ഞ സങ്കടം ......
ഇതളുകളിൽ പുഴുക്കുത്തേറ്റു പുളഞ്ഞൊരു റോസാപ്പൂവ് തൊട്ടടുത്തെ മുല്ലത്തൈയ്യോടു പങ്കിട്ട നോവ് ...
ആകാശത്തേക്കു സാകൂതം നോക്കിയ തവളക്കുഞ്ഞന്റെ ആത്മഗതം....
പക്ഷെ എത്ര കാതോർത്തിട്ടും കേൾക്കാൻ പറ്റാതെ പോയ ഒന്നുണ്ട് ......
എന്റെ..... ഹൃദയതാളം ....
No comments:
Post a Comment